恭喜發財…Annie祝大家心想事成，身體健康，
工作既朋友工作順利，仲讀緊書既學業進步，
小朋友快高長大，各位美女越黎越靚！！
更希望今年我可以有多啲時間寫blog比大家睇！
總之，馬年行大運！！！
哈哈⋯人人笑呵呵Y(^_^)Y
繼續沒有醜女人只有懶女人既話題，
話說年頭年尾一向都係我最忙既時候，
以前會忙著辦年貨造蘿蔔糕、馬碲糕…
而呢兩年既工作都係返shift…
返工返到連執屋既時間都無仲點辦年貨呢！？
不過今年已經好好，去行左兩次花市（≧∇≦）
年三十晚仲同表弟行到朝早五點幾先返屋企添！
最後，攰到大年初一訓到十一點幾先捨得起身，
因為長期唔夠訓，加埋天光至訓個樣係殘到爆既！
殘到連相都唔敢影！皆因，眼袋、黑眼圈、痘痘印全部出曬黎TwT
好彩前排買左Y.E.T Don't worry mask sheet既 pre-makeup mask
（Model：表弟送我既紫色草泥馬=^_^=）
呢個mask我已經用左好幾次，make sure好用先介紹比大家！
因為我成日放工返黎都會攰到暈低，只適合立即休息，
唯有係早20分鐘倒起身敷完佢先化妝返工啦！
個mask含有深層海洋水，保濕都做得不錯架！
仲有覆盆子萃取物，呢個成份有抗氧化既功能添架！
我敷之前仲搽左Exuviance既Vespera Bionic Serum肌膚彷生精華,
搽完要等佢吸收一陣先敷個mask效果會更好，
當然，如果皮膚唔係真係噤攰，淨係敷個mask都已經足夠架喇！
個mask都ok貼面，精華唔算多，岩岩好夠搽埋頸部位置，
精華質地都係稀一啲既。
其實化妝前既精華唔洗太厚同太結身，如果唔係個妝就會唔貼架喇！
同埋呢個mask既精華都好容易被吸收既！
個妝又貼，仲hold得持久好多添！
我前排送左張比我親愛既Fifi妹妹用，
連佢都話好用，仲問我幾錢係邊買！
聽埋幾錢相信大家都會即刻諗都唔諗買佢返屋企！
我係係尖沙咀一間專買韓國化妝護膚品既鋪頭買既，
價錢都只係$59/10張咋！想知係邊可以直接問我架！
無論淡妝定濃妝都一樣好貼！
*底妝我都只係用好薄既粉底！*
**每個人膚質都唔一樣，呢啲只係個人既用後意見**
其實呢排都試左好多野，一有時間我就會upload啲比大家睇架喇^_^
Instagram：annieying
Fb：Annie Philomena Chiu
沒有留言:
張貼留言